რუსთავში, ცოლ-ქმარს 7 კაცი ფიზიკურად გაუსწორდა. შემთხვევა გვაინ ღამით, დოლიძის ქუჩის მიმდებარედ მოხდა. დაზარალებულები იხსენებენ, რომ მათთან არაფხიზელ მდგომარეობაში მყოფი კაცები მივიდნენ და ტერიტორიის დატოვება მოსთხოვეს, შემდეგ კი ახალგაზრდა წყვილს სიტყვიერი და ფიზიკური შეურაცხყოფა მიაყენეს.
ცოლ-ქმარმა ერთ-ერთ სახლს შეაფარა თავი. დაზარალებულები დამნაშავეების დასჯას ითხოვენ. მათი თქმით, ისინი უკვე იმყოფებოდნენ გამოკითხვაზე. ფაქტთან დაკავშირებით გამოძიება ძალადობის მუხლით დაიწყო. ცნობილია, რომ საგამოძიებო მოქმედებების შედეგად, სამი პირი უკვე მხილებულია.
კომენტარები