ხორავას ქუჩაზე მოკლული მოზარდის მამა, ზაზა სარალიძე პრემიერ-მინისტრ მამუკა ბახტაძესთან შეხვედრას ითხოვს. ზაზა სარალიძე, „სამართალდამცავთა, რეფორმირების ცენტრის” ხელმძღვანელი ზვიად კუპრავა და მათი მხარდამჭერები ამ დრომდე მთავრობის ადმინისტრაციის შენობაში რჩებიან და პრემიერთან შეხვედრის თარიღთან დაკავშირებით, ინფორმაციის მიღებას ელოდებიან.
სარალიძის განცხადებით, არ არის აუცილებელი შეხვედრა დღესვე გაიმართოს, მთავარია კონკრეტული თარიღი ჩაინიშნოს.
„ხომ არ ვეუბნები, რომ შეხვედრას მაინცდამაინც დღეს ვითხოვ, ვიღაც გამოვიდეს და ერთი სიტყვა მითხრას, ორი საათია ველოდები და არავინ გამოსულა”,-აღნიშნა ზაზა სარალიძემ.
კომენტარები