თბილისის საქალაქო სასამართლომ სამსახურებრივი გულგრილობის და არაჯეროვნად შესრულების ფაქტზე თბილისის ერთ-ერთი ბაგა-ბაღის აღმზრდელი ა.გ. და აღმზრდელის თანაშემწე მ.ვ. დამნაშავედ ცნო. ამის შესახებ ინფორმაციას მთავარი პროკურატურა ავრცელებს.
უწყების ინფორმაციით, სასამართლოში გამოკვლეული მტკიცებულებებით დადასტურდა, რომ აღმზრდელმა და აღმზრდელის თანაშემწემ დაუდევარი დამოკიდებულების გამო, სამსახურებრივი მოვალეობა არაჯეროვნად შეასრულეს და უმეთვალყურეოდ დატოვეს სამი წლის აღსაზრდელი, რომელიც ღია ფანჯარასთან მივიდა და მეორე სართულიდან გადავარდა. შედეგად მცირეწლოვანმა სიცოცხლისთვის სახიფათო მძიმე ხარისხის დაზიანება მიიღო.
საქალაქო სასამართლომ ორივე აღმზრდელი დამნაშავედ ცნო და სასჯელის სახედ და ზომად თითოეულს სამი წლით პირობითი მსჯავრი განუსაზღვრა.
კომენტარები