აშშ-ის კალიფორნიის შტატში, ქალაქ დუბლინში, „The New York Times“-ის Games მიმართულების ინჟინერიის დირექტორი, 40 წლის ჯონათან მაკკინსი ცეცხლსასროლი იარაღით მოკლეს.
პოლიციამ მაკკინსი მრავლობითი ცეცხლსასროლი ჭრილობით იპოვა. ის ადგილზე გარდაიცვალა.
მკვლელობის საქმეზე პოლიციამ მაკკინსის სიმამრი და სიდედრი, 77 წლის შოიონგ ჟანგი და შილი ჩენი დააკავა. ორივე მათგანს მკვლელობაში ედებათ ბრალი. პოლიციის ინფორმაციით, ეჭვმიტანილები შემთხვევის ადგილიდან შორს არ წასულან და ისინი მოწმეების დახმარებით მალევე დააკავეს.
გამოძიების ინფორმაციით, მკვლელობის შესაძლო მოტივი ამ ეტაპზე ოფიციალურად დადგენილი არ არის. ცნობილია, რომ მაკკინსი და მისი მეუღლე განქორწინებისა და შვილების მეურვეობის საკითხზე სამართლებრივ დავაში იმყოფებოდნენ. სასამართლო დოკუმენტებში ასევე ფიქსირდება ოჯახში ძალადობასთან დაკავშირებული ურთიერთბრალდებები.
ეჭვმიტანილები სასამართლოს წინაშე 30 სექტემბერს უნდა წარდგნენ. გამოძიება გრძელდება.