ტაილანდის სამეფოსა და საქართველოს შორის სამსახურებრივი და დიპლომატიური პასპორტების მქონე პირებისთვის უვიზო მიმოსვლის რეჟიმს მოეწერა ხელი. ინფორმაციას საგარეო საქმეთა სამინისტრო ავრცელებს.
დოკუმენტი გაეროს 73-ე სესიის ფარგლებში გაფორმდა, მას ხელს საქართველოს საგარეო საქმეთა მინისტრის მოადგილე ვახტანგ მახარობლიშვილი და ტაილანდის საგარეო საქმეთა მინისტრის მოადგილე ვირასაკდი ფუტრაკული აწერენ.
მხარეებმა აღნიშნეს, რომ დოკუმენტის ხელმოწერა კარგ საფუძველს ქმნის საქართველოსა და ტაილანდის მოქალაქეებისთვის უვიზო მიმოსვლის რეჟიმის შემოღებისთვის.
მხარეებმა გამოხატეს დაინტერესება განავითარონ თანამშრომლობა სხვადასხვა სფეროში, მათ შორის, ხელი შეუწყონ ქვეყნებს შორის სავაჭრო-ეკონომიკური ურთიერთობების ინტენსიფიკაციას, ტურიზმის განვითარებასა და ხალხთაშორისი კონტაქტების გაუმჯობესებას. გამოიხატა დაინტერესება ორმხრივი ბიზნეს-ფორუმების ორგანიზების, ასევე ტაილანდის თანამშრომლობის სააგენტოსთან (TICA) თანამშრომლობის განვითარების.