2018 წლის პირველი იანვრიდან 26 ოქტომბრამდე პერიოდში სამედიცინო საქმიანობის სახელმწიფო რეგულირების სააგენტომ ნარკოტიკული საშუალებების, ფსიქოტოროპული ნივთიერებების, ფსიქოაქტიური ნივთიერებების შემცველი კომბინირებული სამკურნალო საშუალებების რეალიზაციის წესის დარღვევის 54 ფაქტი გამოავლინა.
ამასთან, სააგენტოს ინფორმაციით, 25 სექტემბრიდან 26 ოქტომბრამდე პერიოდში, აღნიშნული სამართალდარღვევის სამი ფაქტი ორ აფთიაქში დაფიქსირდა. ესაა შპს „კაპარი“ (თბილისი. ლეონიძის 16/ქიქოძის 1) – ორი ფაქტი, და შპს „ელფარმას“ აფთიაქი (თბილისი, ბახტრიონის 13) – ერთი ფაქტი.
სააგენტოს ცნობით, აღნიშნული სამართალდარღვევის გათვალისწინებით, შედგა ადმინისტრაციული სამართალდარღვევის ოქმები და განსახილველად გადაეგზავნა თბილისის საქალაქო სასამართლოს ადმინისტრაციულ საქმეთა კოლეგიას.