600 ათასი ადამიანისთვის ვალების განულებაზე ფონდის წლევანდელ ბიუჯეტში უკვე დარეზერვებულია 100 მილიონი ლარი.
„ქართუ“ ფონდის დამფუძნებლის, ბიძინა ივანიშვილის გადაწყვეტილებით, 600 ათასი ადამიანებისთვის ვალების განულებაზე ფონდის წლევანდელ ბიუჯეტში უკვე დარეზერვებულია 100 მილიონი ლარი.
ამის შესახებ „ქართუ“ ფონდის გამგეობის თავმჯდომარემ, ნიკოლოზ ჩხეტიანმა განაცხადა.
„დღეს საქართველოს პრემიერ-მინისტრმა გამოაცხადა საინტერესო ინიციატივა, რომელზეც ფონდი „ქართუ“ აქტიურად მუშაობს საქართველოს ხელისუფლებასთან. ფონდის დამფუძნებლის, ბიძინა ივანიშვილის გადაწყვეტილებით, ამ წლის ბიუჯეტში ფონდს უკვე დარეზერვებული აქვს 100 მილიონი ლარი. რაც შეეხება მომავალი წლის ბიუჯეტს, ამ ეტაპზე ვერაფერს მოგახსენებთ”, – განაცხდა ჩხეტიანმა.
საქართველოს პრემიერ-მინისტრმა მამუკა ბახტაძემ დღეს განაცხადა, რომ საქართველოს 600 ათასზე მეტ მოქალაქეს ბანკების, ონლაინ ორგანიზაციების და სხვა საფინანსო ინსტიტუტების მიმართ დავალიანება გაუნულდება. ამასთან, პრემიერმა აღნიშნა, რომ საფინანსო ინსტიტუტებისადმი მოქალაქეთა დავალიანების განულების ინიციატივა ფონდ „ქართუს“ მხარდაჭერით განხორციელდება.