საქართველოში ჩატარებულ საპრეზიდენტო არჩევნებს ევროპარლამენტის წევრი ანა გომეში „ტვიტერში“ ეხმაურება. როგორც მან საარჩევნო პროცესის შეფასებისას აღნიშნა, ამომრჩევლებს საარჩევნო კაბინაში თავისუფალი არჩევანის გაკეთების შესაძლებლობა ჰქონდათ.
მისივე თქმით, ქართველმა საზოგადოებამ არეულობას სტაბილურობა არჩია.
„საქართველოს საპრეზიდენტო არჩევნები: გამოყენებული მკაცრი რიტორიკის, მმართველი პარტიის მიერ არადემოკრატიული მეთოდების გამოყენების, ოლიგარქი ლიდერის მიერ სალომე ზურაბიშვილის მხარდაჭერის მიუხედავად, საარჩევნო კაბინაში ამომრჩევლებს თავისუფალი არჩევანის გაკეთების შესაძლებლობა ჰქონდათ. ზურაბიშვილმა მოიგო, რადგან ამომრჩევლებმა არეულობას სტაბილურობა არჩიეს“, – წერს ანა გომეში სოციალურ ქსელში.
კომენტარები