ყოფილი დეპუტატი კობა დავითაშვილი სოციალურ ქსელში შემდეგი სახის პოსტს აქვეყნებს:
„ყველა ჯურის ლიბერალი იგესლება – საპატრიარქომ სალომეს ადმინისტრაციის უფროსი დაუნიშნაო, მე კი ვიტყვი – „ყოჩაღ სალომე ზურაბიშვილს, სწორედ მრევლის ხმებით გახდა იგი საქართველოს პრეზიდენტი 28 ნოემბერს და კარგია, რომ დააფასა თავისი ამომრჩეველი პირველივე გადაწყვეტილებით!”
გთხოვთ, ყველამ გააზიაროთ ეს სასიამოვნო სიახლე!
საქართველოს საპატრიარქოს ფონდის ხელმძღვანელი ლაშა ჟვანია საქართველოს პრეზიდენტის ადმინისტრაციის უფროსი გახდება.
ამის შესახებ თავად ლაშა ჟვანიამ ტელეკომპანია „იმედის“ ეთერში ისაუბრა. მისი განცხადებით, ამ დანიშვნაზე სალომე ზურაბიშვილმა უკვე მიიღო თანხმობა ილია II-სგან.
„არჩეულმა პრეზიდენტმა მიმართა დღეს სრულიად საქართველოს კათალიკოს-პატრიარქს, რომ დამნიშნოს მე ადმინისტრაციის უფროსად. წინასწარი თანხმობა პატრიარქისგან არჩეულმა პრეზიდენტმა მიიღო. ახლა შევხვდი მის უწმინდესობას, მე მომცა ლოცვა-კურთხევა, რომ დავტოვო ფონდის ხელმძღვანელის თანამდებობა და გადავიდე, დავეხმარო ახალარჩეულ პრეზიდენტს პრეზიდენტის ადმინისტრაციაში“, – განაცხადა ლაშა ჟვანიამ“, – წერს დავითაშვილი.