„არც საჭიროება და არც საჭიროებიდან გამომდინარე სურვილი არ არსებობს, რომ მივიღოთ ულტიმატუმი. დამთავრდა ულტიმატუმების ენაზე საუბრის დრო“, – ამის შესახებ რეგიონული განვითარებისა და ინფრასტრუქტურის მინისტრმა მაია ცქიტიშვილმა განაცხადა, რითაც გაერთიანებული ოპოზიციის გუშინდელ მოთხოვნებს და 16 დეკემბრამდე ხელისუფლებისთვის მიცემულ ვადას გამოეხმაურა.
„ჩვენ არჩევნებზე ქართველი ხალხის ნება ვიხილეთ. საქართველოს მოქალაქეებს ჰქონდათ საშუალება, თავისუფალი არჩევანი დაეფიქსირებინათ, რაც მათ გააკეთეს. არჩევნები მაღალ დონეზეა შეფასებული ყველა საერთაშორისო დამკვირვებელი ორგანიზაციის მიერ“, – განაცხადა მაია ცქიტიშვილმა.
მისივე თქმით, ოპოზიციის ლიდერებს სურვილი აქვთ, რომ დესტაბილიზაციის ელემენტები შეიტანონ და გააჩინონ განცდა, რომ არჩევნები გაყალბდა და შედეგებს არ აღიარებს ქართველი ერი.