„დარწმუნებული ვარ, რომ როგორც კი საექსტრადიციო პროცედურები დასრულდება, მეგის ქარდავა გადმოეცემა ჩვენს ქვეყანას და საქართველოს სასჯელაღსრულების სისტემაში მოიხდის ვადას ჩადენილი დანაშაულისთვის“, – ასე გამოეხმაურა პირველი ვიცე-სპიკერი თამარ ჩუგოშვილი უკრაინული მხარის გადაწყვეტილებას იმის შესახებ, რომ მეგის ქარდავა საექსტრადიციო პროცედურების დასრულებამდე შინაპატიმრობაში იქნება.
„როგორც მე ვიცი, ექსტრადიციის პროცედურები დასრულებული არ არის. გარკვეული შიდა პროცედურული გადაწყვეტილება არის მიღებული უკრაინის მხრიდან, დეტალებს ვერ გეტყვით. მე დარწმუნებული ვარ, როგორც კი საექსტრადიციო პროცედურები დასრულდება, ეს პირი გადმოეცემა ჩვენს ქვეყანას და საქართველოს სასჯელაღსრულების სისტემაში მოიხდის ვადას ჩადენილი დანაშაულისთვის“, – განაცხადა ჩუგოშვილმა.
უკრაინაში დაკავებულ საქართველოს სამხედრო პოლიციის ყოფილ უფროსს მეგის ქარდავას საექსტრადიციო პატიმრობა შინაპატიმრობით შეეცვალა, – აღნიშნულის შესახებ „ინტერპრესნიუსს“ საქართველოს მთავარ პროკურატურაში განუცხადეს.