თბილისის მერის კახა კალაძის ინფორმაციით, საახალწლო სოფელი მსურველებს 28 დეკემბრიდან 7 იანვრის ჩათვლით უმასპინძლებს. მისივე თქმით, საახალწლო გალა -კონცერტზე 40 ნომერი იქნება წარმოდგენილი, რომელსაც 170 შემსრულებელი ეყოლება.
„ნაძვის ხესთან დაკავშირებით გაქვს ძალიან მასშტაბური პროექტი. წინასწარ არ მინდა ამაზე ვისაუბრო, ეს სიურპრიზად დავტოვოთ. უბრალოდ, არის გარკვეული ტექნიკური პრობლემები თავის მაშტაბებიდან გამომდინარე, რამდენად შევძლებთ ამის განხორციელებას, პასუხი რამდენიმე დღეში გვეცოდინება და მივიღებთ გადაწყვეტილებას ნაძვის ხის განთავსებასთან დაკავშირებით. გარდა ამისა, 28 დეკემრიდან 7 იანვრის ჩათვლით, გიმასპინძლებთ საახალწლო სოფელში, რომელიც იქნება რეპუბლიკის მოედანზე. დამთვალიერებელს დახვდება ახალი ინსტალაციები, დიდი საბავშვო სივრცეები, ზღაპრის გმირები, საბავშვო კონცერტები, დღის ბენდები და საღამოს თემატური კონცერტები, საშობაო ბაზრობა და საახალწლო კულინარიაც იქნება წარმოდგენილი. საკმაოდ საინტერესო და თბილი განარემი იქნება. ყველა შემსრულებელი მიიღებს მონაწილეობას სხვადასხვა კონცერტებში. ჩვენ არ დავყოფთ საზოგადოებას „იმისიანებად“ „ამისიანებად“, კატეგორიულად მიუღებელია საზოგადოების დაყოფა, „ჩარეცხვა“, როგორც ეს წლების განმავლობაში ხდებოდა. ამიტომ 500 მონაწილე მიიღებს მონაწილეობას კონცერტებში. 7 იანვარს საახალწლო სოფელს დახურავს ყველა დროის და ყველასათვის საყვარელი მიუზიკლი „ჩხიკვთა ქორწილი“, რომელიც პირველად გათამაშდება თბილისის ცის ქვეშ.
აც შეეხება გალა-კონცერტს, ნიკოლოზ რაჭველის დირიჟორობით ორკესტრთან ერთად შესრულდება ყველა დროის ყველაზე საყვარელი კინომუსიკა და, რა თქმა უნდა, საახალწლო და საშობაო განწყობისთვის გაჟღერდება ყველასთვის საყვარელი საშობაო სიმღერები. 40 ნომერი იქნება წარმოდგენილი და მსმენელის წინაშე წარდგება 170 მუსიკოს-შემსრულებელი”, – განაცხადა კალაძემ.