მუსიკოსი ბერა ივანიშვილი სოციალურ ქსელში წერილს აქვეყნებს, რითიც მადლობას უხდის იმ ადამიანებს, ვინც მისი და მისი მეუღლის “ყველაზე ბედნიერი წუთები გაიზიარა”. ბერა წერილში აღნიშნავს, რომ ქორწილში შესული თანხა მთლიანად გადაერიცხა ბავშვებზე მზრუნველ სამ ორგანიზაციას.
“ძვირფასო მეგობრებო, გულწრფელ მადლობას გიხდით, რომ 11 ნოემბერს ჩვენთან ერთად იყავით და გაიზიარეთ ჩვენი ცხოვრების ყველაზე ბედნიერი წუთები. მადლობა, რომ გულთან ახლოს მიიტანეთ ჩვერნი თხოვნა საჩუქართან მიმართებაში.
გვსურს გაცნობოთ, რომ თქვენ მიერ გაცემული სახსრები მთლიანად გადაირიცხა ბავშვებზე მზრუნველ სამ ორგანიზაციაში: “Life Line”, “მზის შვილები” და ბავშვი, ოჯახი, საზოგადოება”.
ჩვენ ყველა ერთად დავეხმარეთ მათ, ვისაც ეს ყველაზე მეტად ესაჭიროება.
საუკეთესო სურვილებით, ბერა და ნანუკა”, – ნათქვამია ბერა ივანიშვილისა და ნანუკა გუდავაძის წერილში.
