„მინდა მივუსამძიმრო დაღუპულთა ოჯახებს, ახლობლებს, ნათესავებს და სრულიად საქართველოს“, – ამის შესახებ დედაქალაქის მერმა კახა კალაძემ იაშვილის კლინიკაში მოთავსებული მოზარდების მონახულების შემდეგ ჟურნალისტებს განუცხადა. მისი თქმით, იაშვილში მოთავსებული ბავშვების მდგომარეობა დამაკმაყოფილებელია.
„მინდა მივუსამძიმრო დაღუპულთა ოჯახებს, ახლობლებს, ნათესავებს და სრულიად საქართველოს. დიდი ტრაგედია დატრიალდა. აქ საავადმყოფოში გადმოყვანილი ბავშვების მდგომარეობა დამაკმაყოფილებელია. მათ სიცოცხლეს საფრთხე არ ემუქრება, თუმცა ხვალამდე უნდა იყვნენ ექიმების დაკვირვების ქვეშ და გააგრძელებენ მკურნალობას.
მომხდარზე პასუხისმგებლობას რაც შეეხება გამოძიება დაწყებულია და გვეცოდინება რეალურად რა მოხდა, რასთან გვაქვს საქმე,“ – განაცხადა კახა კალაძემ.
კომენტარები