“ტვ პირველის” დღის ამბების წამყვანი ლევან ჩხაიძე გარდაიცვალა. 33 წლის ჟურნალისტი ბუდაპეშტში, მეგობრებთან ერთად იმყოფებოდა.
ჟურნალისტის გარდაცვალებას “ფეისბუქზე” მისი მეგობრები, ჟურნალისტები,
პოლიტიკოსები ეხმაურებიან:
მამუკა მდინარაძე: ჯაკო ქართულ მედიასაც ძალიან დააკლდება და ქვეყანასაც! უკარგესი ადამიანი და ჟურნალისტი იყო! ვუსამძიმრებ მის ოჯახს, სამეგობროს და ყველა მის კოლეგას.
თამარ ჩუგოშვილი”: “ძალიან ვწუხვარ ვუსამძიმრებ მის ოჯახს და მეგობრებს”.
ოთარ ჩრდილელი: “ნიჭიერი ჟურნალისტი, ობიექტური და დინამიური წამყვანი…
უდიდესი მწუხარებით თანავუგრძნობ-ლევანის ოჯახს, მის მეგობრებს და კოლეგებს.
ღმერთმა, სამუდამო სასუფეველი დაუმკვიდროს”.
ირაკლი ტაბლიაშვილი: “უმძიმესად დაიწო წელი.
შენს გულს ვენაცვალე მე – ლევან!
არაფრის ხალისი არ მაქვს.
ჩვენ ყველამ დავკარგეთ ჩვენ ჩვენი ლევანი!”.
სერგი კაპანაძე:”ვუსამძიმრებ თV პირველს და ჯაკოს ოჯახს ამ ძალიან ნიჭიერი ახალგაზრდა ჟურნალისტის უდროოდ წასვლას”.
ხათუნა ლაგზიძე: “ღმერთო, როგორი დამანგრეველია ლევანის სიკვდილი, გვიყვარდეს ხალხო ერთმანეთი, გავუფრთხილდეთ, წამია ცხოვრება. რა წელი დაიწყო ასეთი”.
ინგა გრიგოლია: „ამ სამყაროში ყველაზე ძვირფასი მეგობარი მომიკვდა. ყველაზე ძვირფასი და ყველაზე საყვარელი. ჩემი ყველაზე საყვარელი მეგობარი მომიკვდა და მგონია, რომ მეც მოვკვდი“.
ნიკა წულუკიძე: „იმედში რადიო ,,ჯაკოდან” მოვიდა და ჯაკო დავარქვით. ყველაზე გულიანი სიცილი იცოდა, ისე ხითხითებდა რომ მაშინვე განგაწყობდა. მერე რადიო იმედშიც ერთ ოთახში ვიჯექით… იქიდან დაიწყო ჩვენი მეგობრობა და (ღლიცინი) იუმორში. ისტორიების კასკადი და ლეგენდების შეთხზვა ერთმანეთზე. დღეს ამ შეჯიბრში მე დავმარცხდი რადგან ჩვენი Lევან ჩჰკჰაიდზე წავიდა…“