საქართველოში ევროკავშირის ელჩის კარლ ჰარცელის განცხადებით, “თიბისი ბანკის” საქმეს ევროკავშირის წევრი ქვეყნები ყურადღებით აკვირდებიან. მისი განცხადებით, აუცილებელია, რომ პროცესი გასაგებად და გამჭვირვალედ წარიმართოს. ამის შესახებ მან კომენტარი შსს-ს მიერ არასრულწლოვანების მხრიდან ჩადენილ დანაშაულთან ბრძოლის ფარგლებში ჩატარებულ შეხვედრაზე გააკეთა.
“თიბისი ბანკი” სისტემური ბანკია და რაც მის ირგვლივ ხდება, მნიშვნელოვანია საქართველოს საბანკო სექტორისთვის და საქართველოს მაკროფინანსური სტაბილურობისთვის. რაც შეეხება ბოლო დღეებში განვითარებულ მოვლენებს, მათ შორის ეროვნული ბანკის გადაწყვეტილებას, მნიშვნელოვანია დავრწმუნდეთ, რომ პროცესი გამჭვირვალედ მიმდინარეობს, რადგანაც ერთერთი მნიშვნელოვანი საკითხი ინვესტორები და მათი არჩევანია, მათ უნდა ესმოდეთ არსებული ვითარება”, – განაცხადა ევროკავშირის ელჩმა.