რომის პაპს, ფრანცისკეს მიაჩნია, რომ მსოფლიოში ომი მძვინვარებს, ვინაიდან მშვიდობა არ არის. ამის შესახებ რომის კათოლიკური ეკლესიის წინამძღვარმა პოლონეთში ვიზიტის წინ ჟურნალისტებს განუცხადა.
„სიმართლის თქმის არ უნდა შეგვეშინდეს – მსოფლიოში ომი მძვინვარებს, მან მშვიდობა დაკარგა“, – განაცხადა ფრანცისკემ.
პაპის თქმით, დღეს ხშირად იყენებენ ტერმინებს: „უიმედობა“ და „უსაფრთხოების არარსებობა“, მაგრამ ამის ნამდვილი სახელია „ომი“. რომის პაპმა დააკონკრეტა, რომ ის რელიგიურ ომზე არ საუბრობს.
„ეს არ არის რელიგიური ომი, ეს არის ინტერესთა ომი, ომი ფულისთვის, ბუნებრივი რესურსებისთვის, მოსახლეობაზე ბატონობისთვის, სწორედ ეს არის ომი“.
ფრანცისკემ ასევე განაცხადა, რომ გასული ათასწლეულის დროს ყველა ომს თავისი სპეციფიკა ჰქონდა და ის, რაც მსოფლიოში დღეს ხდება, ასევე ომია.