საქართველოს კონსტიტუციისა და პარლამენტის რეგლამენტით დადგენილი ახალი წესით – ე.წ. ინტერპელაციის ფორმატში – დღეს, პარლამენტში, პრემიერმინისტრ მამუკა ბახტაძეს მოუსმენენ.
მთავრობის ხელმძღვანელი დეპუტატებს ინფორმაციას ქვეყანაში არსებულ კრიმინოგენურ ვითარებასთან დაკავშირებით წარუდგენს. საკანონმდებლო ორგანოში პრემიერმინისტრის მისვლა „ნაციონალურმა მოძრაობამ“ მოითხოვა. პრემიერმინისტრის გარდა, ინტერპელაციის ფარგლებში, დღევანდელ სხდომაზე განათლების, მეცნიერების, კულტურისა და სპორტის მინისტრს, მიხეილ ბატიაშვილსაც მოუსმენენ. საკანონმდებლო ორგანოში მისი მისვლა „ევროპულმა საქართველომ“ მოითხოვა. მინისტრისადმი მათი კითხვები პედაგოგების ხელფასებისა და გამოცდების გაუქმების ინიციატივას ეხება.
კომენტარები