ჩვენი კოლეგების გადაწყვეტილება ჩვენთვის მოულოდნელი არ ყოფილა და ამის შესახებ ინფორმირებული ვიყავით, – განაცხადა თბილისის საკრებულოს თავმჯდომარე გიორგი ტყემალაძემ საკრებულოს უმრავლესობიდან დეპუტატების, ჯაბა ჯიშკარიანისა და ვახტანგ შაქარიშვილისწასვლასთან დაკავშირებით.
„ისინი თავიანთ მომავალ საქმიანობას უკავშირებენ სხვა ორგანიზაციას და შესაბამისად, ეს გადაწყვეტილება არ იყო ჩვენთვის მოულოდნელი. ისინი რჩებიან საკრებულოს წევრებად და გააგრძელებენ საქმიანობას, როგორც საკრებულოს დამოუკიდებელი წევრები. რაც შეეხება საკრებულოს სხვა წევრებს, ნახეთ და მოისმინეთ, ვინც მიიღო წასვლის გადაწყვეტილება, გააკეთეს განცხადება, სხვა მოლოდინები არ გვაქვს. ეს მათი გადაწყვეტილებაა“, – განაცხადა ტყემალაძემ.
მისი თქმით, ვისაც განსხვავებული მოსაზრებები ჰქონდა, საკრებულოს უმრავლესობა დატოვა.
„ჩვენ ვრჩებით იმ ფასეულობებისა და ღირებულებების ერთგული, რომლითაც მოვედით დღემდე“, – თბილისის საკრებულოს თავმჯდომარემ.