უკრაინის შეიარაღებული ძალები რუსეთის ნოვგოროდის ოლქში მდებარე 123-ე საავიაციო სარემონტო ქარხანას თავს დაესხნენ.
123-ე საჰაერო ხომალდების სარემონტო ქარხანა ემსახურება რუსეთის სამხედრო სატრანსპორტო თვითმფრინავებს, კერძოდ, „ილ-76“-ს, „ილ-78“-ს და „ლ-410“-ს.
ღამის თავდასხმის შემდეგ, ინტერნეტში გავრცელდა ვიდეოები, რომლებზეც ადგილზე ხანძრის გაჩენაა ასახული. გავრცელებული ცნობით, ქარხანაში რამდენიმე სახანძრო მანქანა გაიგზავნა.
უკრაინისა და რუსეთის ოფიციალურ პირებს ჯერ არ გაუვრცელებიათ განცხადება დარტყმის შესახებ ცნობებზე.
ასევე არ არსებობს ინფორმაცია ზარალის მასშტაბის ან შესაძლო მსხვერპლის შესახებ.
ეს ქარხანაზე პირველი თავდასხმა არ არის. უკრაინის შეიარაღებულმა ძალებმა მიმდინარე წლის მარტში დაარტყა ქარხანას და ანგარი და A-50 ადრეული გამაფრთხილებელი თვითმფრინავი დააზიანა.