პრეზიდენტის ადმინისტრაციას სამსახურიდან გათავისუფლებული თანამშრომლების კომპენსაცია თითქმის ნახევარი მილიონი ლარი დაუჯდა.
როგორც „ინტერპრესნიუსს“ პრეზიდენტის პრესსპიკერმა ხატია მოისწრაფიშვილმა განუცხადა, 63 თანამშრომელს ჯამში 436 500 ლარი ჩაერიცხა.
„ეს არის 63 თანამშრომლის თანამდებობრივი სარგოს სამი თვის ოდენობის ჯამი. ჩარიცხვების პროცედურები გუშინ განხორციელდა,“- განაცხადა მოისწრაფიშვილმა.
რაც შეეხება მომდევნო ეტაპს, რომელიც პრეზიდენტის ადმინისტრაციის ახალი კადრებით დაკომპლექტებას გულისხმობს, მოისწრაფიშვილის ინფორმაციით, „ვაკანსიების გამოქვეყნების პროცედურებთან დაკავშირებით ბოლო დეტალები საჯარო ბიუროსთან თანხმდება“.
გამოქვეყნების შემდეგ გაირკვევა, რამდენი ვაკანტური ადგილია პრეზიდენტის ადმინისტრაციაში და რა მიმართულებებზე.
კომენტარები