საქართველოს უფლებამფლობელთა ასოციაციამ (GERA) მსოფლიოს უმსხვილესი ხმის ჩამწერი ლეიბლების Warner Music-ის და Sony-ს რეპერტუარის გამოყენებაზე ექსკლუზიური უფლება მოიპოვა.
GERA-ს და ქართული მუსიკალური გამომცემლობა M.O.S.T-ის ერთობლივი თანამშრომლობით აღნიშნულ ლეიბლებთან სალიცენზიო ხელშეკრულება გაფორმდა.
ამიერიდან GERA უფლებამოსილია საქართველოში Warner Music-ის და Sony-ის მფლობელობაში არსებული მუსიკალური ნაწარმოების, ფონოგრამის ან ვიდეო მასალის გამოყენებაზე გასცეს უფლება ტელე, რადიო და ინტერნეტ სივრცეში, ასევე საჯარო შესრულებების დროს.
Sony-ს ხელშეკრულებით GERA-ს ასევე გადაეცა სინქრონიზაციის უფლებაც, რაც გულისხმობს რეკლამის, კინოფილმის, სპექტაკლის და ა.შ. მუსიკალურ გაფორმებას.
კომენტარები