მუნიციპალური განვითარების ფონდმა მცხეთაში დევნილთათვის 2 კორპუსის მშენებლობა დაასრულა. პროექტის დასრულების შემდეგ 120 დევნილ ოჯახს საცხოვრებელი ბინები ახალ კორპუსებში გადაეცემა. ინფორმაციას მუნიციპალური განვითარების ფონდი ავრცელებს.
ორივე კორპუსს აქვს საკუთარი ავტოსადგომი, პანდუსები, გზებზე დაიგო ასფალტ-ბეტონის საფარი და გაიმართა სანიაღვრე სისტემები. საცხოვრებელი ბინები სრულად არის ადაპტირებული შეზღუდული შესაძლებლობების მქონე პირებისთვის.
ამ პროექტის გარდა, მუნიციპალური განვითარების ფონდი ქუთაისში, წყალტუბოში და ზუგდიდში დევნილთა საცხოვრებელი სახლებს აშენებს. ამ პროექტების დასრულების შემდეგ საცხოვრებელ ბინას 3700 მეტი ოჯახი მიიღებს.
კომენტარები