მიმაჩნია, რომ არც ერთი ადამიანი არ უნდა იყოს დისკრიმინირებული, თუმცა, არ ვეთანხმები დაპირისპირების პროვოცირებას არც ერთი მხარის მხრიდან, – ამის შესახებ საქართველოს პრეზიდენტმა, სალომე ზურაბიშვილმა მთავრობის ადმინისტრაციასთან გუშინ განვითარებულ მოვლენებთან დაკავშირებით განაცხადა.
მისი თქმით, საქართველოს ეყოფა ის დაპირისპირებები, რაც სხვადასხვა მიზეზით აქვს.
„მე ვარ ყველას პრეზიდენტი, რაც გულისხმობს იმას, რომ ვარ ყველა ადამიანის პრეზიდენტი მიუხედავად, მათი სექსუალური და რელიგიური ორიენტაციისა. ჩემთვის ამას არ აქვს მნიშვნელობა და მიმაჩნია, რომ არც ერთი ადამიანი არ უნდა იყოს დისკრიმინირებული, თუმცა არ ვეთანხმები დაპირისპირების პროვოცირებას არც ერთი მხარის მხრიდან. ამ ქვეყანას ეყოფა ის დაპირისპირებები, რაც აქვს სხვადასხვა მიზეზებიდან გამომდინარე. არ გვჭირდება გარედან მოტანილი, დაკოპირებული, ახალი დაპირისპირება“, – განუცხადა ჟურნალისტებს საქართველოს პრეზიდენტმა, სალომე ზურაბიშვილმა, რომელიც აბასთუმანში იმყოფება.