საქართველოს ვიცე-პრემიერი, შინაგან საქმეთა მინისტრი გიორგი გახარია, მოადგილეებთან ერთად ამერიკის შეერთებული შტატების დამოუკიდებლობის 243 წლის იუბილესადმი მიძღვნილ მიღებას დაესწრო, რომელიც აშშ-ის საელჩოში გაიმართა.
ამერიკის შეერთებული შტატების საელჩოს მიღებაზე სტუმრებს ელჩის მოვალეობის შემსრულებელმა, ელიზაბეტ რუდმა უმასპინძლა. აშშ-ს დამოუკიდებლობის დღე ასევე მიულოცეს საქართველოს პრეზიდენტმა, სალომე ზურაბიშვილმა, პრემიერ- მინისტრმა მამუკა ბახტაძემ და პარლამენტის თავმჯდომარე არჩილ თალაკვაძემ.
ღონისძიებას მინისტრთა კაბინეტისა და პარლამენტის წევრები, დიპლომატიური კორპუსის, სამოქალაქო სექტორისა და მედიის წარმომადგენლები ესწრებოდნენ.
კომენტარები