20-21 ივნისის აქციაზე ჯგუფურ ძალადობაში მონაწილეობისთვის დაკავებული ზურაბ ბუდაღაშვილი ადვოკატის მომსახურებაზე უარს აცხადებს.
როგორც დაკავებულის დედა, აცხადებს, მისი შვილი ამ ეტაპზე უარს ამბობს ადვოკატის აყვანაზე, თუმცა მიუხედავად ამისა, ოჯახი ეცდება ინტერესების დამცველის მომსახურებით ისარგებლოს დაკავებულმა.
ბუდაღაშვილი და ჯგუფურ ძალადობაში მონაწილეობისთვის დაკავებული კიდევ სამი პირი პოლიციის მთავარ სამმართველოში წინასწარი დაკავების იზოლატორში იმყოფება.
პოლიციის მთავარ სამმართველოში იმყოფებიან დაკავებულების ცოტნე სოსელიასა და ბესიკ თამლიანების ადვოკატებიც.
საქართველოს შინაგან საქმეთა სამინისტრომ 20-21 ივნისის აქციების დროს ჯგუფურ ძალადობაში მონაწილეობის ბრალდებით ოთხი პირი გუშინ დააკავა.
კომენტარები