“2020 წლისთვის “ქართული ოცნებას“, როგორც მმართველ გუნდს, კონკურენტი არ ეყოლება”

 “ნების გამოხატვა, პოლიტიკური აზრის გამოთქმა და, შესაბამისად, სოციალური გავლენის მოპოვება პოლიტიკური პარტიის კუთხით, ეს არის ჩვენს ქვეყანაში კონსტიტუციით აღიარებული უფლებები”, – ასე გამოეხმაურა საპარლამენტო უმრავლესობის წევრი, დავით მათიკაშვილი მამუკა ხაზარაძის მიერ საზოგადოებრივი მოძრაობის დაფუძნების ინიციატივა.
„საზოგადოებრივი ორგანიზაციის შექმნა, ცხადია, პოლიტიკურ ორგანიზაციას არ გულისხმობს, მაგრამ ჩვენ უკვე ვიცით ჩვენი ქვეყნის პოლიტიკური ტრადიციები, როდესაც სწორედ ასე მომხდარა. ნების გამოხატვა, პოლიტიკური აზრის გამოთქმა და, შესაბამისად, სოციალური გავლენის მოპოვება პოლიტიკური პარტიის კუთხით, ეს არის ჩვენს ქვეყანაში კონსტიტუციით აღიარებული უფლებები. მეორეა, თუ ასე მოხდა, რა შედეგს გამოიღებს პოლიტიკურ ჭრილში ეს ყველაფერი“, – განაცხადა მათიკაშვილმა.
მათიკაშვილი მიიჩნევს, რომ 2020 წლისთვის „ქართული ოცნებას“, როგორც მმართველ გუნდს, კონკურენტი არ ეყოლება.
„ვფიქრობ, რომ 2020 წლისთვის „ქართული ოცნებას“, როგორც მმართველ გუნდს, კონკურენტი არ ეყოლება და ამ ყველაფერს ჩვენი საზოგადოება გადაწყვეტს არჩევნებზე“, – აღნიშნა დეპუტატმა.
შეგახსენებთ, რომ „თი-ბი-სი ბანკის“ დამფუძნებელმა, მამუკა ხაზარაძემ დღეს განაცხადა, რომ სექტემბერში ახალ საზოგადოებრივ მოძრაობას აფუძნებს.