“უპასუხისმგებლო ნაბიჯებმა და ქმედებებმა ქვეყანა არ უნდა მიიყვანოს იმ მდგომარეობამდე, რაშიც ვიყავით რამდენიმე წლის წინ”

უპასუხისმგებლო ნაბიჯებმა და ქმედებებმა ქვეყანა არ უნდა მიიყვანოს მდგომარეობამდე, რომელშიც რამდენიმე წლის წინ ვიყავით, – ამის შესახებ საგარეო საქმეთა მინისტრმა, დავით ზალკალიანმა განაცხადა.

მისი თქმით, საქართველოს ხელისუფლება ყველაფერს აკეთებს, რომ ქვეყანა, მძიმე ეკონომიკური შედეგები აიცილოს.

„ვფიქრობ, ჯერ კიდევ არის დრო, რომ საღმა აზრმა გაიმარჯვოს და კიდევ არ წავიდეთ იმ სცენარის მიხედვით, რომელიც გვქონდა რამდენიმე წლის უკან. ვფიქრობ, უპასუხისმგებლო ნაბიჯებმა და ქმედებებმა ქვეყანა არ უნდა მიიყვანოს იმ მდგომარეობამდე, რომ ჩვენ შევიქმნათ ისევ ისეთი მძიმე მდგომარეობა, რაშიც ვიყავით რამდენიმე წლის წინ. ამიტომ, ჩვენ როგორც პასუხისმგებლიანი ხელისუფლება, ყველაფერს გავაკეთებთ იმისთვის, რომ ქვეყანას ავაცილოთ ეკონომიკური მძიმე შედეგები და ყველაფერს გავაკეთებთ, რომ ეს შედეგი არ დადგეს“, – განაცხადა დავით ზალკალიანმა.