“ეS პერსონასთვის” თუშეთის გზაზე მომხდარი ტრაგედიის შესახებ დამატებითი დეტალები გახდა ცნობილი. კერძოდ, ადგილობრივის ინფორმაციით, ავტოსაგზაო შემთხვევას 7 ადამიანი ემსხვერპლა. მათ შორის, არის 12 წლის გ.შ. და მისი ძმა ლ.შ., რომელმაც სკოლა წელს დაამთავრა. სამაშველო ჯგუფი გარდაცვლილი მოზარდების მამას, შ.შ-ს ამ დრომდე ეძებს.
ასევე გარდაცვლილებს შორის არიან ზ.გ., ნ.ა., და ორი ახალგაზრდა მამაკაცი, რომელთა ვინაობაც ამ დრომდე უცნობია.
როგორც „ეS პერსონას“ წყარო ატყობინებს, საჭესთან ზ.გ. იჯდა, რომელსაც სოფელ ბეღელაში მეზობლები მიჰყავდა.
აღსანიშნავია, რომ ბავშვების დედა, სოფელში ერთი დღით ადრე წავიდა და ის მეუღლეს შვილებთან ერთად ელოდებოდა.
კომენტარები