„ევროპული საქართველოს“ ერთ-ერთი ლიდერი, დეპუტატი ელენე ხოშტარია 20-21 ივნისს განვითარებულ მოვლენებთან დაკავშირებით დაკავებული ადამიანების მონახულებას აპირებს. ამის შესახებ ელენე ხოშტარიამ პარლამენტის წინ მიმდინარე აქციაზე განაცხადა.
როგორც ხოშტარიამ აღნიშნა, დაბრკოლებების მიუხედავად, მან გაარკვია 11 ადამიანის ვინაობა, ვინც დაკავებულია და მათ მონახულებას აპირებს. ამასთან, ხოშტარია მიმართავს დაკავებულების ახლობლებს და ოჯახებს, მასთან იქონიონ კომუნიკაცია, რათა დეპუტატმა ყველა დაკავებულის ვინაობა გაარკვიოს და ყველას მონახულება შეძლოს.
„როგორც პარლამენტის წევრი, რომელსაც მაქვს პატარა პროცედურული უპირატესობა, რომ შემიძლია შევიდე საპყრობილეებში, გაოგნებული ვარ იმით, რომ ბევრი დრო დამჭირდა გამერკვია, ვინ არის დაპატიმრებული. მხოლოდ 11 ადამიანი ვიპოვე. ამიტომ მივმართავ ყველას, ვისი ოჯახის წევრი ან ახლობელია დაპატიმრებული, ან აქვს ნებისმიერი პრობლემა, მე როგორც პარლამენტის წევრი, ოპოზიციიდან, შეზღუდული შესაძლებლობით ამ შემთხვევაში, ყველას მოგმართავთ, ვისაც გჭირდებათ ჩემი დახმარება იმაში, რომ შევიდე საპყრობილეში და ა.შ. მომაწვდინეთ ხმა და ყველაფერს გავაკეთებ თქვენთვის. ეს არის ის მცირედი, რაც დღეს შემიძლია გავაკეთო იმის გარდა, რომ ვიდგე აქ თქვენს გვერდით“, – განაცხადა ხოშტარიამ აქციაზე.
ელენე ხოშტარია 20-21 ივნისს განვითარებულ მოვლენებთან დაკავშირებით დაკავებულების მონახულებას აპირებს
2019/08/03 22:19:52
კომენტარები
ნანახია: 1331 ჯერ