ვიდინ-კალაფატის სასაზღვრო-გამშვებ პუნქტზე, ბულგარელი და რუმინელი მესაზღვრეების მიერ შემოწმებულ სატვირთო ავტომობილში არალეგალი მიგრანტები იმყოფებოდნენ – ამ ინფორმაციას ბულგარეთის სასაზღვრო პოლიციის გენერალური დირექტორატის პრესსამსახური ავრცელებს.
12 აგვისტოს, სატვირთო ავტომობილი, რომელსაც თურქეთის 31 წლის მოქალაქე მართავდა, ბულგარეთის დატოვების მიზნით, ვიდინთან ახლოს მდებარე ხიდთან მივიდა.
სატვირთო ნაკვეთურის შემოწმებისას, ბულგარელმა და რუმინელმა მესაზღვრეებმა უცხო ქვეყნის 18 მოქალაქე აღმოაჩინეს. ყველა მათგანი მამაკაცია – 9 ერაყიდან, 3 სირიიდან და 6 ირანიდან.
ერაყის 3 მოქალაქე, ბულგარეთ-თურქეთის საზღვრის უკანონოდ გადაკვეთის მცდელობისთვის, მიმდინარე თვის დასაწყისში უკვე იყო დაკავებული და მათ მიმართ ადმინისტრაციული იძულების ზომები უნდა გატარებულიყო, რომელიც წარმოშობის ქვეყანაში დაბრუნებას ითვალისწინებდა.
მძღოლი და მიგრანტები ვიდინის სასაზღვრო პოლიციის განყოფილებაში არიან გადაყვანილნი. მომხდარის შესახებ რაიონულ პროკურატურას ეცნობა, ხოლო აღნიშნულ სისხლის სამართლის დანაშაულზე გამოძიება მიმდინარეობს.
https://bntnews.bg/news/balgarski-i-rumanski-granichni-policai-zadarzhaha-kamion-s-nezakonni-migranti-krai-vidin-1407868news.html