ოზურგეთის რაიონში, შეკვეთილში ელექტროტრავმის შედეგად სახლის მშენებლობაზე ცემენტმზიდის მძღოლი დაიღუპა. შემთხვევა რამდენიმე საათის წინ მოხდა.
როგორც Imedinews-ს შსს-ში განუცხადეს, მძღოლი სპეც.ტექნიკას მართავდა, ამწის აწევის დროს მანქანის ნაწილი მაღალი ძაბვის სადენებს გამოედო, რა დროსაც დენი მანქანაზე გადავიდა და მძღოლი დაიღუპა.
შსს-ს ინფორმაციით, მომხდარზე გამოძიება სსკ-ის 240-ე მუხლის მე-2 ნაწილით მიმდინარეობს, რაც გულისხმობს სამთო-სამშენებლო ან სხვა სამუშაოს წარმოებისას უსაფრთხოების წესების დარღვევას, რამაც ადამიანის სიცოცხლის მოსპობა გამოიწვია.
კომენტარები