აშშ-ში ფესტივალების Louder Than Life-ისა და Life Is Beautiful-ის ხელმძღვანელობამ სამხრეთ აფრიკული ჰიპ-ჰოპ ჯგუფი Die Antwoord-ის გამოსვლა გააუქმა. ამის შესახებ Mixmag-ი წერს.
ამ გადაწყვეტილების მიზეზი ქსელში გავრცელებული ვიდეო გახდა, რომელშიც ჩანს, თუ როგორ სცემენ და შეურაცხყოფას აყენებენ მუსიკოსები ჯგუფ Hercules and Love Affair-ის წევრ ენდი ბატლერს.
გავრცელებული ცნობით, შემთხვევა ჯერ კიდევ 2012 წელს ფესტივალ Future-ზე მოხდა, თუმცა ვიდეო მხოლოდ ახლა გავრცელდა. კადრები Die Antwoord-ის ოპერატორმა ბენ კროსმანმა გადაიღო.
როგორც კადრებში ჩანს, ჯგუფის წევრი უოტკინ ტიუდორ ჯონსი, მეტსახელად ნინძა ბატლერს სახეში აფურთხებს, მეორე წევრი იოლანდი კი მას „ცისფერს“ ეძახის.
To anyone wondering what the ‘unforeseen circumstances’ are… Turns out @DieAntwoord are just a bunch of vile humans https://twitter.com/LTLFest/status/1161699032823037952 …
LouderThanLife@LTLFestLOUDER THAN LIFE 2019 LINEUP UPDATE!
Due to unforeseen circumstances, Die Antwoord will no longer be performing at Louder Than Life. The rest of the epic lineup remains the same. Let the countdown to 3 days of rock continue!
: http://bit.ly/louderthanlifetix …
ვიდეოს გავრცელების შემდეგ უოტკინ ტიუდორ ჯონსმა ჯგუფის Facebook-ის გვერდზე პოსტი გამოაქვეყნა, რომელშიც ის წერს, რომ ოპერატორმა ვიდეო ისე დაამონტაჟა, რომ Die Antwoord-ის საქციელი სიძულვილის ნიადაგზე დანაშაულს ჰგავს.
როგორც „ნინძა“ გამარტავს, მომხდარი მათი ოპონენტის სექსუალურ ორიენტაციას არ უკავშირდება და კონფლიქტი იმიტომ მოხდა, რომ Hercules and Love Affair-ის სოლისტი იოლანდის ავიწროებდა.
აღსანიშნავია, რომ Die Antwoord-მა გასულ წელს ანაკლიაში Echowaves-ის ფესტივალზე იმღერა.