აშშ-ის პრეზიდენტმა დანიის პრემიერ-მინისტრის განცხადებებს „საძაგელი“ უწოდა. როგორც დონალდ ტრამპმა თეთრ სახლში გამართულ ბრიფინგზე განაცხადა, მეტე ფრედერიკსენის ფრაზა, რომელშიც მან აშშ-ის მიერ გრენლანდიის შეძენის სურვილს „აბსურდი“ უწოდა, „შეუსაბამო“ იყო.
„ჩემი აზრით, პრემიერ-მინისტრის განცხადება, რომ ეს იდეა აბსურდია, საძაგლობა იყო. ეს შეუსაბამო განცხადებაა. მას უბრალოდ უნდა ეთქვა – არა და ჩვენ არ დავინტერესდებოდით. ის ხომ მე არ მესაუბრება, ის ესაუბრება აშშ-ს. აშშ-თან ასე საუბრის უფლება არ გაქვს, ყოველ შემთხვევაში ჩემი პრეზიდენტობის დროს“, – განაცხადა დონალდ ტრამპმა.
კომენტარები