გორის მუნიციპალიტეტში, სოფელ საყავრესთან ტყის ხანძარს უკვე შსს-ს სასაზღვრო პოლიციის მესამე ვერტმფრენიც აქრობს.
საგანგებო სიტუაციების მართვის სამსახურის ცნობით, ამ დროისთვის ადგილზე ცეცხლის ღია კერები აღარ არის. უწყების ინფორმაციით, სიტუაცია კონტროლს ექვემდებარება.
ადგილზე მოწყობილია საველე შტაბი, საიდანაც ტყის ხანძრის ჩაქრობას ხელმძღვანელობენ.
სამუშაოები მეორე დღეა სრულდება. მთელი ღამის განმავლობაში ადგილზე უწყვეტ რეჟიმში მუშაობდნენ თბილისის, შიდა ქართლის, იმერეთის, სამცხე-ჯავახეთის, ქვემო ქართლის და მცხეთა-მთიანეთის სახანძრო-სამაშველო ჯგუფები. სულ 250-მდე მეხანძრე-მაშველი. პროცესში ჩართული იყო სახანძრო სამაშველო და დამხმარე ტექნიკა. შედეგად, ხანძრის ფართობი შემცირებულია – ცეცხლი 40 ჰექტრიდან 10 ჰექტრამდე ლოკალიზდა.
კომენტარები