რუსთავი 2-ის ახალი მფლობელის, ქიბარ ხალვაშის თქმით, თუ წასული ჟურნალისტები დაბრუნდებიან, ბედნიერები იქნებიან, წინააღმდეგ შემთხვევაში კი არხისთვის ახალ ჟურნალისტებს მოძებნიან. მისივე თქმით, ჟურნალისტები, რომლებმაც არხი დატოვეს, შანტაჟისა და ბულინგის მსხვერპლნი გახდნენ. ამის შესახებ მან “იმედთან” ინტერვიუში ისაუბრა.
“ჩვენ ვფიქრობთ ახალ კადრებზეც და ძველებზეც. ჩვენ ვიქნებით ობიექტური, კრიტიკული ტელევიზია და ძველი კადრებისთვის სამუშაო არის. არ ექნებოდათ არავითარი შეხება. ვფიქრობ, რომ შანტაჟისა და ბულინგის მსხვერპლი გახდნენ. თუ მობრუნდებიან, ვიქნებით ბედნიერები, თუ არა და ახალს მოვძებნით”,-თქვა ხალვაშმა.
შეგახსენებთ, რომ ქიბარ ხალვაში არხიდან ჟურნალისტების წასვლას სააკაშვილსა და გვარამიას აბრალებს. მისი თქმით, “ტელევიზიის ფინანსური ნგრევის შემდეგ, გვარამია არხის თანამშრომლებზე გადაერთო და მათ წინააღმდეგ არნახული ფსიქოლოგიური შეტევა და ბულინგი წამოიწყო”.