ყვარლის მუნიციპალიტეტში, სადაც მესამე დღეა ხანძარსაწინააღმდეგო სამუშაოები მიმდინარეობს, ვერტმფრენებმა მუშაობა განაახლეს.
მესამე დღეა, ცეცხლი სოფელ ახალსოფლიდან დაახლოებით, 5 კილომეტრში, ტყის მასივზეა გავრცელებული. სასაზღვრო პოლიციის ვერტმფრენები სოფელ ზინობიანის ტბიდან წყლის მარაგს იღებენ. უწყვეტ რეჟიმში აგრძელებს მუშაობას ცოცხალი ძალა.
პარალელურად მიმდინარეობს ტყეში გზის გაჭრა, რადგან სტიქიის ზონაში უფრო ახლოს მოხდეს სპეციალური ტექნიკის შეყვანა. ამასთან, შექმნილია საგანგებო შტაბი, რომელსაც საგანგებო სიტუაციების მართვის სააგენტოს უფროსი თემურ მღებრიშვილი ხელმძღვანელობს.
კომენტარები