რუსთავში, იუსტიციის სახლის მიმდებარე ტერიტორიაზე არსებულ პარკში მოქალაქემ გზააბნეული მცირეწლოვანი ბიჭუნა შენიშნა და დასახმარებლად საპატრულო პოლიციის ეკიპაჟი გამოიძახა. ადგილზე მისულმა პატრულებმა 5 წლის ბავშვის ვინაობა ოპერატიულად დაადგინეს.
როგორც გაირკვა, ბიჭუნა პარკთან ახლოს ცხოვრობს, ეზოში თამაშის დროს საცხოვრებელი კორპუსის ტერიტორიას მშობლების გაუფრთხილებლად გასცდა და პარკში ასე აღმოჩნდა. საპატრულო პოლიციის თანამშრომლებმა შეშინებული პატარა დედას უვნებლად ჩააბარეს.
კომენტარები