მმართველი პარტიის თავმჯდომარე ბიძინა ივანიშვილმა ახალციხისა და ტაო-კლარჯეთის მიტროპოლიტ თეოდორესთან ერთად აბასთუმანში მდებარე თამარის ციხე დაათვალიერა, – ინფორმაციას „ქართული ოცნების“ პრესსამსახური ავრცელებს.
ბიძინა ივანიშვილის თქმით, კურცხანის ხეობაში მიმდინარეობს შემოვლითი გზის მშენებლობა, რაც აბასთუმნის ამ მხარეს უფრო მეტ სიცოცხლეს შესძენს. ამასთან, იმ პროექტებზეც ისაუბრა, რომელთა განხორციელებაც ხეობაში მისი ხელშეწყობით იგეგმება.
თამარის ციხე მდინარე ოცხესა და კურცხანის ხეობის შესართავთან, მთაზეა აგებული და IX‐XI საუკუნეებს მიეკუთვნება. ისტორიკოსთა ვარაუდით, ეს ციხე დასტურია იმისა, რომ აბასთუმანში, მაშინდელ ოცხეში, თამარ მეფის რეზიდენცია იყო.
ბიძინა ივანიშვილის „ქართუ ფონდი“ აბასთუმანში მასშტაბურ სამშენებლო და სარეაბილიტაციო პროექტს აფინანსებს.