ვაშინგტონიდან ვაკვირდებოდი „ნაციონალური მოძრაობისა” და მისი დანაყოფების ღიმილისმომგვრელ მცდელობას, რომ საკუთარი აზრი პრემიერის „მოსკოვის კაცობის“ შესახებ შეესაღებინათ ჩვენი საზოგადოებისათვის, თითქოს ეს „დოიჩე ველეს“ აზრია, – ამის შესახებ იუსტიციის მინისტრმა, თეა წულუკიანმა პრემიერ-მინისტრად გიორგი გახარიას დამტკიცების შესახებ „დოიჩე ველეს“ ინგლისურენოვანი რედაქციის სტატიასთან დაკავშირებით განაცხადა.
მისი თქმით, მსგავსი მეთოდი „ნაციონალური მოძრაობისთვის“ ბრძოლის ტრადიციული მეთოდია.
„ეს მეთოდი მათი ბრძოლის ტრადიციული მეთოდია, თუმცა გაისად მოდის გადამწყვეტი პოლიტიკური ბრძოლა და ვფიქრობ, რომ ამ მეთოდებით ისინი ფონს ვერ გავლენ. ჩვენ ისინი გავაფრთხილეთ, მომავალში არც ერთ ტყუილს უპასუხოდ არ დავტოვებდით, რასაც სამწუხაროდ, ვაკეთებდით ბოლო რამდენიმე წლის განმავლობაში. ამიტომაც, ვპასუხობ ამ დიდ ტყუილს და ვღებულობმონაწილეობას იმ დიდ ძალისხმევაში, რომელიც ჩვენ ყველამ ერთად უნდა გავწიოთ და რომელსაც მხილება ჰქვია. როგორც ჩანს, ეს არის მათი რეაქცია იმ დიდ კრახზე, რომელსაც ყოველდღიურად განიცდიან. ჩვენ გავაგრძელებთ მუშაობას, რომ ჩვენი შრომის, მრავალწლიანი შრომის შედეგები დავანახოთ საზოგადოებას და არ ვიყოთ კონცენტრირებული იმ ტყუილებზე, რომლებსაც ისინი ყოველდღიურად ყიდიან“, – განაცხადა თეა წულუკიანმა.