სლოვაკეთის თავდაცვის სამინისტრომ „მიგ 29“-ის საცდელი ფრენები შეაჩერა. ამის შესახებ tellerreport-ი სლოვაკეთის თავდაცვის მინისტრზე პიოტრ გაიდოშზე დაყრდნობით წერს.
28 სექტემბერს მიგ 29 -მ ქალაქ ზლატე-მორავცესთან კატასტროფა განიცადა. ავარიის შედეგი სავარაუდოდ საწვავის დეფიციტი გახდა.
მიგ-29 – საბჭოთა და რუსული წარმოების მეოთხე თაობის სამხედრო თვითმფრინავია. რეაქტიული თვითმფრინავი განკუთვნილია რთული და მიუდგომელი საჰაერო სამიზნეების გასანადგურებლად. სლოვაკეთის შეიარაღება 11 ასეთი ტიპის რეაქტიული თვითმფრინავისგან შედგება.
გამოცემის ცნობით, სლოვაკეთის ხელისუფლებას აშშ-თან მოლაპარაკებები ჰქონდა F-16-ის ტიპის 14 თვითმფრინავის შესყიდვაზე. ქვეყანას სურს, რომ სლოვაკეთის შეიარაღება ამ რესურსით 2022 წელს შეივსოს.
კომენტარები