ყაჩაღობა ბათუმში თამარის დასახლებაში – აჭარის საზოგადოებრივ მაუწყებელის ინფორმაციით, ქურდებმა ქალს პირი აუკრეს, სახლიდან კი ძვირფასი ნივთები წაიღეს. მას შემდეგ რაც მძარცველები სახლიდან წავიდნენ, დაზარალებულმა პოლიცია გამოიძახა.
მეზობლების თქმით, სახლში სამი პირი შევიდა. ამბობენ, რომ ხმაური არ გაუგონიათ. სახლიდან მძარცველებმა ოქროს ნივთები და ფული წაიღეს.
შსს-ს ინფორმაციით, გამოძიება სისხლის სამართლის კოდექსის 179-ე მუხლის მეორე ნაწილის ბ ქვეპუნქტით მიმდინარეობს, რაც ბინაში შეღწევას და ჯგუფურად ჩადენილ ყაჩაღობას გულისხმობს. დაკავებულია ორი პირი. გამოძიება კი გრძელდება.
კომენტარები