თურქეთი-სირიის საზღვარზე სროლის ხმა ამ წუთებშიც ისმის. დაღუპულთა შესახებ ინფორმაცია კი პერმანენტულად ვრცელდება. კონფლიქტის ზონაში სიტუაცია უკიდურესად მწვავეა.
ქურთების მიერ კონტროლირებადი ციხეებიდან ტერორისტების ნაწილმა გაქცევა მოახერხა. ექსპერტების ნაწილი რეგიონში შესაძლო ტერაქტების საშიშროებაზე ლაპარაკობს. ცოტა ხნის წინ პენტაგონმა ახალი განცხადება გააკეთა.
ამერიკა სირიიდან დამატებით ჯარებს გაიყვანს, რადგან თურქეთმა შესაძლოა სამხედრო ოპერაციის არეალი გააფართოოს.
დანაკარგები აქვთ კონფლიქტში ჩართული მხარეების სამხედრო ძალებსაც. დათმობას არც ქურთები და არც თურქები არ აპირებენ. საქართველოში თურქეთის ელჩი ექსკლუზიურად “კურიერისთვის” ამბობს, რომ ოპერაციის მიზანი მხოლოდ ქვეყნის საზღვრის დაცვაა.
კომენტარები