შინაგან საქმეთა მინისტრის, ვახტანგ გომელაურის განცხადებით,ზუგდიდში სახანძრო-სამაშველოს ახალი შენობა მაღალი დონის ტექნიკითაა აღჭურვილი. მინისტრის თქმით, შენობას ვერტმფრენის დასაჯდომი სივრცეც აქვს.
“რაც ვნახეთ, ასეთი შენობა საქართველოში მართლა არსად არ გვაქვს, უნიკალურია თავისი დეპოებით, თავისი მაღალი დონის ტექნიკით. აქ განთავსდება სახანძრო-სამაშველო სამსახური, ასევე, ქიმიურ-ბიოლოგიური მიმართულებით ვინც იმუშავებს.
მე მინდა, ხაზი გავუსვა, რომ ეს ერთ-ერთი შენობაა, რომელსაც ვერტმფრენის დასაჯდომი აქვს და უსაფრთხოდ არის შესაძლებელი აქედან ადამიანების გადაყვანა სხვადასხვა მიმართულებით, სამაშველო-სახანძრო ოპერაციების დროს.
ძალიან მნიშვნელოვანი იქნება მოსახლეობისთვის ეს. მინდა მივულოცო ჩვენს თანამშრომლებს დღეს ვინც აქ არიან და ახალ შენობაში დაიწყებენ მუშაობას ახალი ენთუზიაზმით, კარგი განწყობით შეეცდებიან გვერდში დაუდგნენ ყველა მიმართულებით, საჭიროება იქნება, ხანძარი იქნება, სამაშველო მიმართულება იქნება თუ სხვა.
ზუგდიდელებს და მთელ სამეგრელოს მივულოცავ და ხაზს ვუსვამ, რომ ასეთი შენობა საქართველოს მასშტაბით არ გვაქვს არსად“, – განაცხადა გომელაურმა.