ზუგდიდის რაიონის სოფელ ცაიშში დღეს პოლიცია და ექსპერტები იყვნენ მობილიზებულნი. ადგილობრივმა რამაზ ხუხუამ სამართალდამცავების თანდასწრებით, მამის ცხედარი ამოთხარა.
როგორც ხუხუა განმარტავს, მას ბიძა მამის მკვლელობაში ადანაშაულებს.
ახალგაზრდა კაცი აცხადებს, რომ 63 წლის რევაზ ხუხუა უბედურ შემთხვევას ემსხვერპლა და თერმულ წყლებში დაიხრჩო.
რამაზ ხუხუა დარწმუნებულია, რომ უდანაშაულობას გვამის ექსჰუმაციის შემდეგ დაამტკიცებს.
„მამაჩემი სამი წლის წინ, უბედური შემთხვევიის შედეგად დაიღუპა. ბიძაჩემი კი ცილს მწამებს, რომ მამა მე მოვკალი.
შემთხვევა სამი წლის წინ მოხდა, როცა სათბურიდან მომავალი, ალკოჰოლური ზემოქმედების ქვეშ მყოფი მამა, თხრილში ჩავარდა და დაიღუპა. შემთხვევისას მე ცოლის ოჯახში ვიმყოფებოდი და მამაჩემის გაუჩინარების შესახებ ინფორმაცია ჩემმა ძმამ მომაწოდა. ერთად ვეძებდით. საბოლოოდ გარდაცვლილი ვიპოვეთ.
ბიძაჩემს მკვლელობის შესახებ ეჭვი მას შემდეგ გაუჩნდა, რაც მეზობელმა ფარნაოზ ხუხუამ უთხრა, რომ რამაზიმ თქვა, მამაჩემი მე მოვკალიო და იქ ჩავაგდეო. ეს სრული აბსურდი და სიცრუეა.
ცილს მწამებენ… მე მათ პასუხს მოვთხოვ. არ მინდა მამაჩემის მკვლელი ვეგონოთ. ბავშვები უნდა გავზარდო. 2 წლის ბავშვი მეკითხება – ბაბუა შენ მოკალიო?!“- აცხადებს რამაზ ხუხუამ.
ნიუპოსტი