პროკურატურასთან არ მქონია შეხება და არ ვიცი რის საფუძველზე წაუყენეს ბრალი, როგორც ჩანს ახლა გამოიკვეთა მეტი მტკიცებულება, მოწმეები და მისი ბრალეულობები,- ამის შესახებ „პრაიმტაიმს“ ბუტა რობაქიძის დედამ, ია მეტრეველმა ირაკლი ოქრუაშვილისა და ზურაბ ადეიშვილისთვის ბრალის წარდგენის შესახებ საუბრისას განუცხდა.
„ოქრუაშვილი ძალიან კარგად იყო ჩართული ამ ყველაფერში. პროკურატურასთან არ მქონია შეხება და არ ვიცი რის საფუძველზე წაუყენებენ ბრალს, ეტყობა ახლა გამოიკვეთა მეტი მტკიცებულება, მოწმეები და მისი ბრალეულობები. ალბათ, იმიტომაა, რომ დღეს გაჟღერდა ეს ყველაფერი. ადეიშვილი ჩართული იყო ამ ამბავში და მთელი მთავრობა სააკაშვილიდან დაწყებული ყველა იყო საქმის კურსში. ძალიან სიმბოლურია, ეს თვე ჩემთვის საშინელი, მძიმე და ტრაგიკულია. ახლოვდება ის უბედურების დღე ჩემიც და ჩემი შვილისაც და სწორედ ახლა გაჟღერდა ეს. ძალიან მიხარია.
არ აკმარეს ანგელოზს, უწესიერეს ბავშვს ის, რომ სიცოცხლეს გამოასალმეს და ბანდიტობაც დააბრალეს და იარაღები დაულაგეს.
ახლა გამოიკვეთა ეს ყველაფერი, თორემ ჩემთვის ახალი არ არის, რომ ოქრუაშვილი ამ ყველაფრის მონაწილე იყო. მაშინაც ვამბობდი ამას და ახლაც ვიმეორებ“,- უთხრა „პრაიმტაიმს“ ბუტა რობაქიძის დედამ, ია მეტრეველმა.
ცნობისთვის, საქართველოს გენერალურმა პროკურატურამ ბუტა რობაქიძის საქმეზე ირაკლი ოქრუაშვილსა და ზურაბ ადეიშვილს ბრალი წარუდგინა.