ირმა ინაშვილი – პირდაპირ ვითხოვთ, დასაჯეთ დამნაშავეები, სააკაშვილები და ბოკერიები

„პატრიოტთა ალიანსის“ ერთ-ერთმა ლიდერმა, ირმა ინაშვილმა სპორტის სასახლეში პარტიის შეკრებაზე სიტყვით გამოსვლისას განაცხადა, რომ ისინი ქვეყნის მთავარი ოპოზიცია არიან.
​მან ყურადღება, დღეს ელჩებთან და მთავრობის წარმომადგენლებთან საარჩევნო სისტემის ცვლილებასთან დაკავშირებით გამართულ შეხვედრაზეც გაამახვილა.
„მინდა, ჩვენმა შვილებმა იცხოვრონ ისეთ ქვეყანაში, სადაც პატივს სცემენ ჩვენს რწმენას, ჩვენს ტრადიციებს, ჩვენს კულტურას, ჩვენს ფასეულობებს, საქართველოს გაუმარჯოს!
დღესაც იყო შეხვედრა ელჩებთან, დილიდან ვიყავით შეკრებილი. ჩემი მთავარი მოთხოვნა არის, არავითარი სავარძლები, არავითარი თანამდებობები, არავითარი გაყოფა მინისტრთა კაბინეტის და კოალიციები და ა.შ.
ჩემი მთავარი მიზანია, რომ ბოლოს და ბოლოს ჩვენ ვიყოთ ის მთავარი ძალა, რომელიც სინამდვილეში ნამდვილად ვართ. ჩვენ ვართ მთავარი ოპოზიცია ქვეყანაში. აი, ეს არის სიმართლე.
​და რა გვესმის შვიდი წლის განმავლობაში, ვერ მივაღწიეთ იმას, რომ „ქართულმა ოცნებამ“ შეასრულოს მისი ერთი დაპირება მაინც, მთავარი დაპირება – დამნაშავეების დასჯა.ეს დამნაშავეები რომ არ დასაჯეს, იმიტომ ხდება დღეს ის ყველაფერი, რასაც ჩვენ ვხედავთ, ამდენი უკიდეგანო უსამართლობა. დღევანდელ შეკრებაზე მარტო რეზოლუციის მიღებას აღარ ვითხოვთ, პირდაპირ ვითხოვთ, დასაჯეთ დამნაშავეები, სააკაშვილები და ბოკერიები“, – განაცხადა ირმა ინაშვილმა.