კახა კალაძე – “ფეიკ ნიუსის” მთავარი იდეოლოგები ვიცით, რომელი პარტიაა და მას ჰქვია “ნაციონალური მოძრაობა“ და მისი განშტოებები

ფეიკ ნიუსების მთავარი იდეოლოგები ვიცით, რომელი პარტიაა, მას ჰქვია „ნაციონალური მოძრაობა“ და მისი განშტოებები, – ამის შესახებ თბილისის მერმა, კახა კალაძემ განაცხადა. მისივე თქმით, აღნიშნული საკითხის დასარეგულირებლად ევროპული ქვეყნების საუკეთესო მაგალითების გადმოტანა შესაძლებელია.
„არ ვიცი, არანაირი კავშირი და არანაირი დამოკიდებულება ამ “ექაუნთებთან”. საერთოდ არ ვიცი, რა ექაუნთებზეა საუბარი, არ არის ჩემთვის საინტერესო. ჩემთვის მნიშვნელოვანია მოსახლეობის აზრი, ვისაც გული შესტკივა ჩვენ ქვეყანაზე და ჩვენ ქალაქზე. ყოველდღიური შეხვედრა მაქვს დედაქალაქის მოსახლეობასთან და აი, ეს არის მთავარი. ზოგადად, “ფეიკ ნიუსთან” დაკავშირებით, ამის მთავარი იდეოლოგები ვიცით, რომელი პარტიაა და მას ჰქვია „ნაციონალური მოძრაობა“ და მისი განშტოებები. რა თქმა უნდა, თუ ამის დარეგულირება შესაძლებელია და მოხერხდება, ვფიქრობ ევროპულ ქვეყნებში გარკვეული ცვლილებები იყო განხორციელებული და შეგვიძლია, გადმოვიტანოთ საუკეთესი მაგალითი, რომ ჩვენთანაც იყოს ეს მიდგომა “ფეიკ ნიუსებთან” დაკავშირებით“,- განაცხადა კახა კალაძემ.
“Facebook”-მა საქართველოში 39 ანგარიში, 344 გვერდი და 13 ჯგუფი გააუქმა მას შემდეგ, რაც დაადგინა, რომ ამ გვერდებს ყალბი ანგარიშის მქონე პირები იყენებდნენ.