ცოტნე გამსახურდიას ჯანმრთელობის მდგომარეობა ამ ეტაპისთვის სტაბილურად მძიმეა და პაციენტი მართვით სუნთქვაზე იმყოფება. ამის შესახებ ცოტნე გამსახურდიას ექიმმა, ნიკოლოზ კვაჭაძემ განაცხადა.
რაც შეეხება ცოტნე გამსახურდიას უცხოეთში გადაყვანას, მისი მეუღლის, ანა ჯაბაურის ინფორმაციით, ცოტნე გამსახურდიას საზღვარგარეთ გადასაყვანად ოჯახი კლინიკების მოძიების ეტაპზეა.
“ყოველდღე ვნახულობ და მდგომარეობა სტაბილურია, უბრალოდ ხანგრძლივი პროცესია გამოჯანმრთელება. ჩემი და ყველას სურვილია, რომ ის გადავიყვანოთ საზღვარგარეთ, თუმცა ეს მხოლოდ ჩვენზე არ არის დამოკიდებული,” – განაცხადა ანა ჯაბაურმა.
გამსახურდიას ექიმის განცხადებით, ასეთი გადაწყვეტილების შემთხვევაში, კლინიკა ოჯახს მაქსიმალურად დაეხმარება.
კომენტარები