ტყიბულის მუნიციპალიტეტში რამდენიმე თვეა ხანდაზმულთა შინმოვლის პროექტი მიმდინარეობს.
ორგანიზატორების ინფორმაციით, პროექტის ფარგლებში ქალაქში და სოფლებში მცხოვრებ მარტოხელა 30 ბენეფიციარისთვის „ტყიბულის რაიონის განვითარების ფონდის“ სერვისჯგუფი საყოფაცხოვრებო და ჰიგიენური პირობების გაუმჯობესებას, საკონსულტაციო და ფსიქოლოგიურ მხარდაჭერას ახორციელებს.
პროექტის მიზანია ტყიბულის მუნიციპალიტეში მცხოვრები მარტოხელა ხანდაზმულთათვის თბილი, უსაფრთხო და ღირსეული პირობების შექმნა.
„პროექტში მოხალისეებად აქტიურად მონაწილეობენ ადგილობრივები, რომლებიც სერვისჯგუფთან ერთად მარტოხელა ხანდაზმულებისთვის საცხოვრებელი პირობების გაუმჯობესებაზე ზრუნავენ.
სერვისს მუნიციპალიტეტში არასამთავრობო ორგანიზაცია „ტყიბულის რაიონის განვითარების ფონდი“ ევროკავშირის მიერ დაფინანსებული პროექტის – „პარტნიორობა ჩართულობითი პოლიტიკის შესაქმნელად” ფარგლებში, ASB Georgia-სა და პარტნიორი ორგანიზაციების კოორდინირებით ახორციელებს“, – ნათქვამია ინფორმაციაში.